Zein da ideien ehundura? Nola lortu buruan duzun hori ukitzea? Aukera bat 3D imprimagailu bat erabiltzea da. 80. hamarkadan sortu ziren makina hauek ibilbide luzea egin dute esparru profesionaletik gure etxeetara iritsi arte. “Ez da aditua izan beharrik!” dio erabiltzaile gazte batek, objektua eskaneatu, deskargatu, diseinatu…Mundua leku solidarioago batean bihur dezakeen teknologia da, materialen zientziarekin batera imaginatu gabeko ibilbide bat egingo duena, 2D-n pentsatzetik 3D-n pentsatzera eramango gaituena.